„… Ова е седма статија од низата за Македонската борба за независност
Од ЏОН ГАНТЕР. Специјален кабел (творечко право) до BUFFALO EVENING NEWS и Chicago Daily News.
НЕКАДЕ ВО МАКЕДОНИЈА, 27 коложег 1928 –
На 5 листопад, генерал Ковачевиќ од југословенската војска беше застрелан од комити во Штип. На 16 листопад, беше направен обид да се разнесе Симплон-Ориент Експрес во близина на Скопје. На 31 листопад, српската полиција ги застрела таткото и братот на Михајлов.
На 20 студен, експлодираше бомба во близина на Александрово. На 23 студен, двајца комити, Нанов и Нулелиќ, беа осудени на смрт во Солун. Рано во снежник, започна судењето на македонските студенти во Скопје. На 3 снежник, српски офицер беше убиен од експлозија на бомба во Струмица.
На 12 коложег, уште едно убиство беше додадено на оваа листа, кога Велимир Прелиќ беше смртно ранет од Мара Бунева, млада македонска жена. Прелиќ беше одговорен за осудата на неколку македонски студенти обвинети за предавство.
Ова е видот на случувања кои се одвиваат речиси непрекинато пет години, што ги заморува југословенската и сите соседни влади. Секој ја обвинува другата страна. Подобриот дел од Македонците и самите го осудуваат тоа, но досега никој не успеал да го искорени. Ова е исто така вид на случувања што доведоа до тешка и опасна меѓународна ситуација, во која можат да се најдат семките на идната војна. …“
Посочил: Ash W.
