„… хрватскиот и македонскиот народ бараат обновување на нивните независни држави во границите на нивните историски и политички територии, засновано на принципот на самоопределување. …“
2 сечко 1930
Торонто, Онтарио, Канада
До: Г-дин Ерик Драмонд,
Лига на Нациите,
Женева, Швајцарија,
Европа.
Почитуван Господине,
Хрватите и Македонците од градот Торонто, Канада, кои се собраа на масовен состанок денес, Ви упатуваат најсрдечни поздрави. Ве молиме да им пренесете на Високиот Совет и Собранието на Лигата на нациите дека хрватскиот и македонскиот народ бараат обновување на нивните независни држави во границите на нивните историски и политички територии, засновано на принципот на самоопределување, за да се зачува Светскиот мир.
Во интерес на човештвото и заштита на правата на потчинетиот хрватски и македонски народ, бараме итно ослободување на д-р Мачек, лидерот на Хрватите, кој беше неправедно обвинет и тајно префрлен во белградскиот затвор „Главнача“.
Ја нагласуваме потребата од меѓународни истраги за полициските злосторства и контрола врз диктаторските постапки, преку кои многу невини Хрвати и Македонци се мачени и убиени во затворите.
Печат: Македонска Политичка Организација ПРАВДА, основана 11 косар 1922
Торонто, Онтарио
Претседател,
Шаусе Лобашериев (рачен потпис)
Посочил: Ash W
Извор: Архива на Лигата на Нациите, Женева, Швајцарија, стр. 146
